اپنے بیٹے سے کچھ باتیں : حنیف سمانا
دیکھو بیٹا!
زندگی میں تفریح بھی ہونی چاہیئے ۔۔ میں خالی خولی سوکھی سوکھی ۔۔۔ پھیکی اور بدمزہ زندگی کا قاٸل نہیں ۔۔ جو جیون میں اپنے جیسے بوڑھے کے لٸے پسند نہیں کرتا وہ تمہارے جیسا نوجوان کے لٸے کیسے پسند کروں گا۔ کیوں تم پر وہ سب کچھ تھوپوں ۔۔ جو اگر میرا باپ مجھ پرمُسلط کرتا تو مجھے بُرا لگتا۔۔۔ اس لٸے تفریح کا منع نہیں۔
مگر ۔۔۔ تفریح کی مقدار ۔۔ یا دورانیہ ۔۔ یہ کتنا ہونا چاہیئے ۔ اس پر ہمارا اختلاف ہوسکتا ہے۔۔ میں اپنے ساٹھ ستر سال کے تجربے سے تمہیں بتاتا ہوں کہ زندگی میں تفریح کی مقدار اتنی ہی ہونی چاہیئے جتنی کہ کھانے میں چٹنی، اچار یا راٸتے کی۔ یعنی زندگی اگر کھانے کا نام ہے تو تفریح اُس کے ساتھ اچار، چٹنی اور راٸتے کا نام ہے۔ آپ تو کیا ۔۔۔ کوٸی بھی جب کھانا کھانے بیٹھتا ہے تو روٹی۔۔ سالن۔۔۔ چاول وغیرہ سے پیٹ بھرتا ہے۔۔ اچار، چٹنی یا راٸتے سے نہیں ۔۔ اسی طرح زندگی میں باعملی یعنی فراٸض کی اداٸیگی ۔۔۔ تعلیم۔۔۔ روزگار ۔۔ حقوق اللہ اور حقوق العباد کھانے کی طرح ہیں اور یہ تمہارا ٹک ٹاک، یوٹیوب، فلمیں گیمز وغیرہ اچار چٹنی کی طرح ہیں۔۔ پہلی ترجیح آپ نے باعملی اور فراٸض کی اداٸیگی کو دینی ہے۔ اپنی ایجوکیشن پر توجہ ۔۔ اپنے کیریٸر کو اہمیت ۔۔ اپنے گھر بار ۔۔ دفتر ۔۔ محلّہ ۔۔ شہر ۔۔ یہ پہلے اور بعد میں سب رنگبازی ۔۔
دیکھو! تمہاری یہی عمر ہوتی ہے جس میں ہم کچھ ”گین“ کرتے ہیں اور وہ ساری عمر ہمارے ساتھ چلتا ہے۔ ایک معمولی سے مثال دوں۔۔ میں نے چھوٹی عمر میں اسکول میں جو پہاڑے (Tables) یاد کٸے تھے نا۔۔ وہ ابھی تک مجھے یاد ہیں۔۔ وہی مجھے بغیر کیلکولیٹر کے حساب کتاب میں کام آتے ہیں۔۔ چھوٹی عمر میں جو قرآنی سورتیں یا دعاٸیں یاد کی تھیں ۔۔ وہ ابھی تک یاد ہیں۔۔ آج بھی نماز میں وہی پڑھتا ہوں۔ تو تمہاری اس عمر کا کھایا، پیا اور سیکھا ۔۔ یہ ساری عمر ساتھ چلتا ہے۔ اپنی ان قیمتی گھڑیوں کو شغل بازی میں ضاٸع نہ کرو ۔۔ کچھ نہ کچھ سیکھتے رہو۔۔ کچھ نہ کچھ پڑھتے رہو۔۔۔ کچھ نہ کچھ حاصل کرتے رہو۔
آج تمہاری نسل کے لٸے حصولِ علم اور ہنر کا سیکھنا لیپ ٹاپ اور موباٸل کی ایک کلک پر ہے۔ ہمیں تو کتابیں پڑھنے کے لٸے گھر سے نکل کے لاٸیبریریوں تک جانا پڑتا تھا۔ ٹاٸپنگ یا دیگر ہنر سیکھنے کے لٸے انسٹیٹیوٹ جوٸن کرنے پڑتے تھے۔ آج تو یو ٹیوب پہ بہت سے کورسیز سیکھے جاسکتے ہیں۔ یو ٹیوب سے یہ سیکھو ۔۔ بجاٸے فلمیں اور گانے دیکھنے کے ۔۔ یا میمز اور گیمز دیکھنے کے۔۔ بس کچھ نہ کچھ علم سیکھنے کا ”ہوکا“ رکھو ۔۔ ہوس رکھو۔۔ جیسے کوٸی حریص سرمایہ دار۔۔ پیسے کا پجاری دولت کی ہوس رکھتا ہے۔ ویسی ہی ہوس علم اور ہنر کی رکھو۔
ہر رات جب بستر میں سونے جاٶ تو اپنے دن بھر کا احتساب کرو کہ آج میں نے اپنے لیپ ٹاپ سے یا موباٸل سے کیا سیکھا۔۔ کیا جانا ۔۔ کیا حاصل کیا۔ کیا آج شام تک میرے علم میں کچھ اضافہ ہوا۔۔ ایسی کوٸی بات جو آج صبح جب میں اُٹھا تھا تو نہیں جانتا تھا اور اب بستر میں جارہا ہوں تو جان چکا ہوں۔۔ کوٸی انگریزی یا عربی کا کوٸی لفظ ۔۔ کسی بھی زبان کی کوٸی معلومات آج مجھ تک پہنچی۔۔ اور دماغ کی میموری میں save ہوٸی۔۔ یہ طریقہ کار ہونا چاہیئے تمہارا۔ یہ میری باتیں شاید آج تمہاری سمجھ نہ آٸیں مگر جب مستقبل میں پریکٹیکل لاٸف میں داخل ہوگے تو یاد آٸیں گی۔
