شہزادہ خالد بن سلمان کی یوم پاکستان کی تقریبات میں شرکت

سعودی وزیر دفاع جناب شہزادہ خالد بن سلمان بن عبدالعزیز آل سعود نے یوم پاکستان کی تقریبات میں شرکت کی اور

آرمی چیف (#COAS) جنرل سید عاصم منیر سے ملاقات کی۔

نور خان ایئر بیس پہنچنے پر سعودی وزیر دفاع کا پرتپاک استقبال کیا گیا۔

شہزادہ خالد بن سلمان بن عبدالعزیز آل سعود نے پاکستان کی مسلح افواج کی جوائنٹ سروسز پریڈ میں بطور مہمان خصوصی شرکت کی۔ تقریب میں پہنچنے پر پاکستان کے وزیر دفاع خواجہ آصف اور آرمی چیف جنرل سید عاصم منیر نے ان کا استقبال کیا، جہاں انہوں نے شاندار جوائنٹ سروسز پریڈ کا مشاہدہ کیا۔

تقریب کے بعد شہزادہ خالد بن سلمان بن عبدالعزیز آل سعود نے آرمی چیف جنرل سید عاصم منیر سے ملاقات کی جس میں باہمی مفادات، دوطرفہ تعلقات کو بڑھانے اور بالخصوص دفاعی امور میں تعاون پر تبادلہ خیال کیا گیا۔

سعودی وزیر دفاع نے کہا کہ سعودی عرب اور پاکستان کے تاریخی اور مضبوط برادرانہ تعلقات ہیں اور سعودی عرب اور پاکستان ہمیشہ ایک دوسرے کے خیر خواہ رہیں گے۔

سی او اے ایس نے پاکستان آنے اور یوم پاکستان پریڈ میں بطور مہمان خصوصی شرکت کرنے پر معزز مہمان کا شکریہ ادا کیا۔

پاکستان کے کامیاب ایک روزہ دورے کے بعد سعودی وزیر اپنے وطن روانہ ہوگئے۔

روانگی سے قبل آرمی چیف جنرل سید عاصم منیر نے نور خان ایئر بیس پر شہزادہ خالد بن سلمان کو الوداع کیا۔